. त्याचबरोबर ठाकरे यांनी सांगलीच्या जिल्हाधिकाऱ्यांशी चर्चा करुन हा वटवृक्ष वाचविण्याबाबत कार्यवाही करण्यात यावी , अशा सूचना दिल्या . मंत्री ठाकरे म्हणाले की , राज्याच्या पर्यावरण संवर्धनासाठी राज्य शासन व्यापक कार्य करीत आहे . वृक्षसंवर्धनही त्याअनुषंगाने फार महत्वाचे आहे . सांगली जिल्ह्यातील संबंधीत वटवृक्ष पुरातन असून त्याचे जतन होणे गरजेचे आहे.

केंद्रीय मंत्री गडकरी यांना लिहिलेल्या पत्रात ठाकरे म्हणाले की , आपल्या विभागामार्फत रत्नागिरी कोल्हापूर – मिरज – सोलापूर या राष्ट्रीय महामार्ग क्र . १६६ चे काम सुरु आहे . या नियोजित रस्त्याच्या कामामुळे परिसरातील शेतकरी बांधव आणि नागरिकांना मोठ्या प्रमाणावर फायदा होणार आहे त्याबद्दल आभार व्यक्त केले . तथापि , मिरज ते पंढरपूर या शहरांच्या दरम्यान हा महामार्ग मोजे भोसे ( तालुका मिरज , जि.सांगली ) या गावातून देखील जातो . मोजे भोसे गावातील गट क्र .४३६ येथे यल्लमा देवीचे पुरातन मंदीर असून या मंदिरासमोरच सुमारे ४०० वर्षापूर्वीचा महाकाय वटवृक्ष आहे . त्याचा विस्तार सुमारे ४०० चौ.मी. इतका व्यापक आहे . हा वटवृक्ष त्या परिसरातील एक ऐतिहासिक ठेवा तर आहेच , त्याचबरोबर ते वटवाघुळ आणि इतर दुर्मिळ पक्षी यांच्याकरीता नैसर्गिक निवासस्थान व आधार देखील आहे . तथापि , नियोजित राष्ट्रीय महामार्ग क्र . १६६ च्या कामामुळे या पुरातन वटवृक्षास बाधा पोहोचत असल्याने वटवृक्ष तोडावे लागेल किंवा पर्यायी जागेवरुन रस्ता करावा लागेल असे मिरज उपविभागीय अधिकारी यांच्या अहवालात नमूद केलेले आहे . या वटवृक्षाचे ऐतिहासिक महत्व लक्षात घेता तसेच परिसरातील पर्यावरणाच्या होणाऱ्या -हासाचा विचार करता मोजे भोसे येथील संबंधीत जागेवरील महामार्गाचे संरेखन काही प्रमाणात बदलून वटवृक्षाचे जतन होण्याबाबत कार्यवाही करण्याची विनंती केली आहे .