मराठवाडा मित्र मंडळ कनिष्ठ महाविद्यालय काळेवाडी मध्ये इयत्ता बारावीच्या वाणिज्य शाखेच्या विद्यार्थ्यांचा शुभेच्छा समारोह उत्साहात संपन्न

काळेवाडी, दि. ६ :- मराठवाडा मित्र मंडळ कनिष्ठ महाविद्यालय काळेवाडी मधील इयत्ता बारावीच्या वाणिज्य शाखेच्या विद्यार्थ्यांचा शुभेच्छा समारोह उत्साहात संपन्न झाला.  इयत्ता बारावी वाणिज्य शाखेच्या विद्यार्थ्यांसाठी एम. एम. वाणिज्य आणि विज्ञान कनिष्ठ महाविद्यालयांमध्ये शुभेच्छा समारंभ आयोजित करण्यात आला होता. या समारंभाला मराठवाडा मित्र मंडळाचे शिक्षणाधिकारी अंकुश काळखैरे ,कनिष्ठ महाविद्यालयाच्या प्राचार्या  प्रभावती जट्टे , विभाग प्रमुख सावळ , सोळुंके मान्यवर उपस्थित होते .वाणिज्य शाखेतील सर्व विद्यार्थी या शुभेच्छा समारंभाला उपस्थित होते.

सर्व विद्यार्थ्यांनी दोन वर्षातील आपल्या महाविद्यालयीन जीवनातील सर्व आठवणींना उजाळा दिला तसेच आपण पुन्हा या कनिष्ठ महाविद्यालयात विद्यार्थी म्हणून पुन्हा येऊ शकणार नाही याची त्यांना खंतही वाटत होती. व्यासपीठावरील सर्व मान्यवरांनी विद्यार्थ्यांना शुभेच्छा दिल्या तसेच बारावीच्या बोर्डाच्या परीक्षा संदर्भात काही उत्तम मार्गदर्शक सूचना देखील दिल्या.

अशा प्रकारे हा कार्यक्रम उत्साहात संपन्न झाला. कार्यक्रमाच्या वेळी वाणिज्य शाखेतील सर्व शिक्षक उपस्थित होते. कार्यक्रमाचे सूत्रसंचालन मनीषा चव्हाण यांनी केले.