मराठवाडा मित्र मंडळाच्या एम. एम. वाणिज्य आणि विज्ञान कनिष्ठ महाविद्यालयामध्ये वार्षिक पारितोषिक वितरण सोहळा उत्साहात संपन्न

काळेवाडी ,दि.२७ :- मराठवाडा मित्र मंडळाच्या एम एम वाणिज्य आणि विज्ञान कनिष्ठ महाविद्यालयामध्ये दिनांक 25 एप्रिल 2026 रोजी वार्षिक पारितोषिक वितरण सोहळा उत्साहात संपन्न झाला.

कार्यक्रमाला श्रीमती गेंदीबाई चोपडा हायस्कूल व ज्युनिअर कॉलेजचे प्राचार्य विक्रम भाऊसाहेब काळे हे प्रमुख पाहुणे म्हणून उपस्थित होते. कार्यक्रमाच्या अध्यक्षस्थानी कनिष्ठ महाविद्यालयाच्या प्राचार्या जट्टे मॅडम, शिक्षणाधिकारी काळखैरे सर , विभाग प्रमुख सावळे सर आणि पर्यवेक्षक सोळुंके सर उपस्थित होते. विद्यार्थ्यांशी संवाद साधताना विक्रम काळे सरांनी विद्यार्थ्यांना यशस्वी आणि परिपूर्ण जीवनासाठीचा कानमंत्र दिला. विविध राज्यस्तरीय जिल्हास्तरीय क्रीडा स्पर्धांमध्ये तसेच विविध सांस्कृतिक कार्यक्रमांमध्ये विशेष प्राविण्य मिळवलेल्या विद्यार्थ्यांचा सत्कार करण्यात आला.  सावळे सर यांनी कार्यक्रमाचे प्रास्ताविक केले, प्राचार्या जट्टे मॅडम यांनी विद्यार्थ्यांशी संवाद साधला.कार्यक्रमाचे सूत्रसंचालन चौधरी मॅडम यांनी केले, पाहुण्यांचा परिचय चव्हाण मॅडम, कार्यक्रमाचे नियोजन दिपाली शिंदे मॅडम, भोईर सर, हराळे सर यांनी केले तर आभार प्रदर्शन ढमाले सर यांनी केले.